AQSh Kongresinde Grenlandııany satyp alý týraly zań jobasy usynyldy

<p>ASTANA. KAZINFORM &ndash; AQSh-tyń saılanǵan prezıdenti Donald Tramptyń Ókilder palatasyndaǵy Respýblıkalyq partııadaǵy odaqtastary Grenlandııany satyp alýǵa ruqsat beretin zań jobasyn usyndy, dep habarlaıdy Kazinform agenttiginiń menshikti tilshisi <a href="https://www.foxnews.com/politics/make-greenland-great-again-trumps-house-gop-allies-unveil-bill-authorize-countrys-purchase" target="_blank" rel="noopener">FOX News</a>-ke silteme jasap.</p>

«Grenlandııany qaıtadan uly etý» zań jobasyn Tennessı shtatynan shyqqan respýblıkashyl Endı Ogles usyndy. Ol dúısenbi kúni palatadaǵy áriptesterinen qoldaý surady.

- Amerıkanyń ekonomıkalyq jáne qorǵanys múddeleri budan bylaı ekinshi orynda turmaıdy. Al Ókilder palatasynyń respýblıkashyldary prezıdent Trampqa amerıkalyqtardyń maqsattaryna jetýge kómektesýge daıyn, - dedi zań jobasyn basqaryp otyrǵan Endı Oglz.

Zań jobasyna Kongrestiń 10 múshesi: Nıý-Iorkten respýblıkashyl Maık Loýler, Tennessıden Dıana Harshbarger, Ogaıodan Maıkl Rýllı, Tehastan Den Krenshoý, Florıdadan Anna Paýlın Lýný, Nıý-Iorkten Klaýdııa Tennı, Florıdadan Nıl Dann, Alabamadan Barrı Mýra, Tehastan Rendı Veber jáne Braıan Babın avtor boldy. 

Foto: foxnews.com

Eger zań jobasy qabyldansa, bul AQSh prezıdentine 20 qańtardaǵy ınaýgýratsııasynan keıin birden Grenlandııany alý týraly Danııamen kelissózderdi bastaýǵa múmkindik beredi.

AQSh Konstıtýtsııasyna sáıkes, atqarýshy bılik Ókilder palatasy men Senattyń ruqsatynsyz federaldy úkimet úshin eshqandaı satyp alýdy júzege asyra almaıdy.

Donald Tramp Grenlandııany Qurama Shtattardyń bir bóligi etýdi kózdep otyr jáne Danııany ony berýge kóndirý úshin áskerı nemese ekonomıkalyq kúsh qoldanýdy joqqa shyǵarmaıdy.

AQSh-tyń jańadan saılanǵan prezıdenti Donald Tramp aralǵa ıelik etý AQSh úshin «absolıýtti qajettilik» ekenin málimdedi. 

Danııa Tramptyń málimdemesinen keıin Grenlandııa qorǵanysyn kúsheıtti. 

Senator Djeıms Lankford AQSh-tyń saılanǵan prezıdenti Donald Tramptyń Grenlandııany áskerı kúshpen basyp alý qaýpin joqqa shyǵardy.