AQSh kongresi jasandy ıntellekt tehnologııasyn retteýmen aınalysady

ASTANA. QazAqparat – ChatGPT baǵdarlamasyn jasaǵan Sem Altman AQSh kongresin jasandy ıntellekt tehnologııalaryn retteýge shaqyrdy. Tehnologııanyń kóp salada paıdasy kóp bolǵanymen bılikke bul salany zańdy túrde retteý kerek, dep habarlaıdy QazAqparat Euronews-ke silteme jasap.

ChatGPT-di jasap shyqqan Sem Altman jasandy ıntellekt adam ıgiligine qyzmet etýi kerek dep esepteıdi.

Degenmen ol AQSh kongresin jasandy ıntellektiń damýy men paıdalanylýyn retteýge shaqyrdy.

Altmannyń pikirinshe, bul tehnologııa kóp salada – medıtsınadan bastap klımat daǵdarysymen kúresýge de kómektese alady.

«Budan da kúshti úlgilerdiń qaýpin azaıtý úshin retteýge úkimettiń aralasqany sheshýshi ról atqarady. Máselen, AQSh úkimeti múmkindikter sheginen asyp ketetin úlgilerdi jasaý men meńgerý kezinde testileý jáne lıtsenzııa berý sharttaryn qarastyra alady», - dep atap ótti Open AI kompanııasynyń basshysy Sem Altman.

Amerıka saıasatkerleri jasandy ıntellekti paıdalanýdyń qoǵam úshin biz boljaı almaıtyndaı saldary bolýy múmkin ekenin aıtyp jatyr.

Zań shyǵarýshylar jumys oryndarynyń joıylýy nemese sheteldik derekkózderdiń jalǵan aqparat jarııalaý úshin kontent jasaý generatoryn paıdalanýy syndy qaýip-qater jaıynda eskertti.