AQSh kókparshylary jerdegi serkeni jaqsy iledi eken – qazaqstandyq shabandoz

<p>ASTANA. KAZINFORM &mdash; Dúnıejúzilik kóshpendiler oıyndaryna baq synaýǵa kelgen 9 eldiń kókparshylary &laquo;Qazanat&raquo; ıppodromynda óner kórsetip jatyr.</p>

Amerıkalyq kókparshylardy 12:4 esebimen utqan qazaqstandyq shabandozdar keremet oıyn órnegimen eldiń ystyq yqylasyna bólendi. Oıynnan keıingi áserimen bólisken QR kókpar qurama komandasynyń oıynshysy Ernat Málimbaev AQSh kókparshylarynyń erekshelikteri týraly aıtyp berdi.

«AQSh kókparshylary men sátti oıyn ótkizdik. Ózim 1 salym saldym. Biz úshin qıyn bolmady. Daıyndyǵymyz jaqsy buıyrsa fınalda jeńiske jetemiz dep oılaımyn. Amerıkalyq kókparshylar bul oıyndy endi úırenip júrse de jaqsy oıyn kórsete bildi. Meniń baıqaǵanym, AQSh kókparshylary jerdegi serkeni jaqsy iledi, qımyl-qozǵalystary tez. Ulttyq oıynymyzdy túsinip, tóselip kele jatqanyn baıqadym», — deıdi shabandoz.

Aıta keteıik keshe, irikteý kezeńinde qazaqstandyq kokparshylar Ózbekstan qurama komandasyn 16:0 esebimen aıqyn jeńgen edi.