AQSh Qyzyl teńizde hýsıtter áskerı kemege atqan zymyrandy qaǵyp túsirdi

<p>ASTANA. KAZINFORM &ndash; Iemendik hýsıt sodyrlary Qyzyl teńizde AQSh-tyń áskerı kemesine birneshe zymyran atqylaǵanyn, amerıkandyq jáne brıtandyq kemelerge shabýyl jasaýyn jalǵastyrýdy josparlap otyrǵanyn málimdedi, dep habarlaıdy &laquo;<a href="https://www.golosameriki.com/a/houthi-anti-ship-missile-/7464597.html" target="_blank" rel="noopener">Amerıka daýysy</a>&raquo;.</p>

Iran qoldap júrgen hýsıtterdiń málimdemesi AQSh Qarýly kúshteri Ortalyq qolbasshylyǵynyń AQSh ÁTK-niń «Greıvlı» áskerı kemesi Iemen aýmaǵynan atylǵan kemege qarsy qanatty zymyrandy atyp túsirgenin habarlaǵan soń birneshe saǵat ótken soń jasaldy.

Qolbasshylyq málimdemesine sáıkes, shabýyl saldarynan zardap shekkender joq jáne kemege zaqym kelmegen.

Qarasha aıynyń ortasynan beri hýsıtter Qyzyl teńizde 30-dan astam zymyrandyq jáne ushqyshsyz ushaq shabýyldaryn jasap, osy mańyzdy kólik baǵyty boıynsha kommertsııalyq tasymaldaýǵa kóptegen kedergi týǵyzdy.

Búgin Ulybrıtanııanyń hýsıttermen kúresý úshin Qyzyl teńizge avıatasymaldaǵyshty jiberýi múmkin ekeni belgili boldy.

Eske sala ketsek, qańtar aıynda AQSh pen Ulybrıtanııanyń avıatsııasy men áskerı kemeleri Iemendegi kóterilisshi hýsıtter tobyna soqqy bere bastady.

Buǵan deıin biz Qyzyl teńizdegi kemelerge shabýyl jasap, álemdik saýdany buzýshy hýsıtterdiń kim ekeni jaıly jazǵan bolatynbyz.