AQSh Qazaqstannyń qaqtyǵys aımaǵynan azamattardy qaıtarý boıynsha jumysyn joǵary baǵalady
Maık Pompeo Qazaqstannyń syrtqy ister mınıstri Muhtar Tileýberdimen bolǵan kelissózder barysynda taraptardyń qaýipsizdik máselelerin talqylaǵanyn málim etti.
«Men Aýǵanstanda beıbitshilikti ornatý jáne taraptardyń tatýlasýy boıynsha bizdiń kúsh-jigerimizdi Qazaqstannyń turaqty qoldap kele jatqany úshin mınıstrge alǵys aıttym. Irak pen Sırııadan lańkes-sodyrlar men olardyń otbasylarynyń elge oralýy boıynsha Qazaqstannyń kóshbasshylyǵyn atap óttim jáne ony aıta beretin bolamyn. Men sizdiń ádilettik máselelerdegi mindettemelerińiz basqa elderdi rýhtandyrady dep úmittenemin», - dedi Maık Pompeo baspasóz máslıhatynda.
Óz kezeginde, Qazaqstannyń syrtqy ister mınıstri Muhtar Tileýberdi qaqtyǵys júrip jatqan aımaqtardan – Sırııa men Iraktan oralǵan azamattardy ońaltý jáne qaıta ıntegratsııalaý jónindegi memlekettik departamentpen birge seriktestiktiń jalǵasyp jatqanyn habarlady.
Avtory: Aqbota Kúzekbaı