AQSh: Kalıfornııa jaǵalaýynda mıgranttar mingen eki qaıyq sýǵa batyp ketti
Qaıyqtar San-Dıego qalasyndaǵy Blek-Bıch jaǵajaıyna jaqyn jerde aýdarylǵannan keıin aman qalǵandardy izdeý jumystary bastaldy.
Jedel járdem shaqyrǵan áıel jaǵaǵa jetken segiz adammen birge qaıyqta bolǵanyn habarlady. Áıeldiń aıtýynsha, bortynda segiz-on adam bolǵan taǵy bir keme aýdarylyp qalǵan.
San-Dıego qutqarý qyzmetiniń basshysy Djeıms Gartlend bul oqıǵany shtattaǵy adam saýdasynyń aýyr tragedııalarynyń biri dep atady. Adam saýdasymen aınalysatyn belgili bir qylmystyq uıym olardy elge zańsyz ákelmek bolǵan.
Resmı tulǵalar qaza tapqandardyń ulty belgisiz, biraq barlyǵy eresek adamdar ekenin aıtty.
Qutqarý qyzmeti 366 m aýmaqta shashyrańqy jatqan máıitter men eki tóńkerilgen qaıyqty tapty. Іzdeý jumystary jeksenbi kúnge deıin jalǵasty.
Oqıǵaǵa ne sebep bolǵany belgisiz, biraq jaǵalaýdyń qumdy qaırańy men aǵystaryna baılanysty bul aımaq qaýipti dep sanalady.
Qutqarýshylar tiri qalǵandardy tappady, biraq bılik olar qutqarý qyzmeti kelgenge deıin jaǵajaıdan ketip qalýy múmkin dep sanaıdy.
San-Dıego AQSh-Meksıka shekarasyna jaqyn ornalasqan jáne AQSh úkimeti mıgranttardy ustaý úshin qalanyń ońtústiginde sý jıeginen qorshaý salǵan.
Bul sońǵy bes aıda osy aımaqta tirkelgen mıgranttardy zańsyz ákelýdiń júzdegen oqıǵasynyń biri ǵana.
2021 jyly San-Dıego jaǵalaýynda dál osyndaı apattan tórt adam qaza taýyp, ondaǵan adam jaraqat aldy.