AQSh-qa surapyl daýyl jaqyndap qaldy, Lýızıanada tótenshe jaǵdaı jarııalandy

NUR-SULTAN. QazAqparat – Meksıka buǵazymen jyljyǵan «Nıkolas» tropıkalyq daýyly AQSh jaǵalaýyna jaqyndap qaldy, dep habarlaıdy QazAqparat Reuters-ke silteme jasap.

Amerıka ulttyq daýyl ortalyǵynyń (NHC) málimetinshe, daýyl epıtsentrindegi jeldiń ekpini saǵatyna 65 shaqyrymǵa jetedi.

Surapyl daýyl Meksıka buǵazyndaǵy Korpýs-Krıstı jáne Galveston qalalarynyń arasymen ótedi dep kútilýde. Alaıda, NHC boljamy boıynsha «Nıkolas» saldarynan Hıýston men oǵan jaqyn aýdandarda kenetten sý tasqyny bolýy múmkin. Shtattyń birqatar aýdandaryna daýyldyń jaqyndap kele jatqany týraly eskertý berildi.

Lýızıana shtatynyń gýbernatory Djon Bel Edvards shtatta tótenshe jaǵdaı jarııalady. Sebebi, Lýızıana eki apta buryn «Ida» daýyly men sý tasqynynan keıin endi qalypqa kelip jatyr.