AQSh-qa keletin jolaýshylardan endi koronavırýsqa test talap etilmeıdi

NUR-SULTAN. QazAqparat – Aldaǵy jeksenbiden bastap AQSh-qa ushyp kelgen jolaýshylardan COVID-19-ben aýyrmaıtynyńyzdy rastaıtyn anyqtama talap etilmeıdi. Tap osyndaı talap Kanada, Ulybrıtanııa men ózge de birqatar memleketterde engizilgen, dep habarlaıdy QazAqparat BBC News agenttigine silteme jasap.

AQSh koronavırýspen kúreske baǵytynda úlken jetistikke jetti. El bıili test tapsyrý talabyn alyp tastaýǵa osy jaǵdaı sebep bolyp otyrǵandyǵyn aıtady. Sonymen qatar testi alyp tastaýdy týrızm ındýstrııasynyń ókilderi talap etken. Óıtkeni elge keler aldynda test tapsyrý talaby týrıster úshin úreı týdyrady. Olar test úshin shekarada qalyp qoıýymyz múmkin dep qorqady. Test jeksenbi, 12 maýsymnan bastap alynady.

Aýrýlardyń aldyn alý men qadaǵalaý ortalyqtary bul saıasatty 90 kúnnen soń qaıta talqyǵa salmaq.

Bılik ókilderi elde vırýstyń jańa shtamdary tabyla qalsa, testileýdi qaıta engizý esh qıyndyq týdyrmaıtynyn aıtady.

2021 jyldyń qańtarynan bastap, AQSh-ta avıajolaýshylardan ushaqqa otyrardan 3 kún buryn koronavırýspen aýyrmaıtynyn nemese odan qulan-taza aıyǵyp ketkenin rastaıtyn anyqtama talap etý erejesi engizildi.

Prezıdent Djo Baıden 2021 jyldyń jeltoqsanynda bul talapty kúsheıtti. Endi anyqtamany ushaqqa otyrarǵa 24 saǵat qalǵanǵa deıin ótkizý qajet bolǵan. Buǵan «Omıkron» shtamy paıda bolyp, vırýs juqtyrýshylar sanynyń artýy sebep bolǵan.

Qazir AQSh-qa kelgisi keletin sheteldikter vaktsınalanǵan bolýy kerek. AQSh-ta vırýs taratýshylar sany 2022 jyldyń qańtarynan bastap, azaıdy. Degenmen sońǵy ýaqytta aýrý juqtyrý kórsetkishi arta tústi.

Qazir elde koronavırýstan qaıtys bolyp jatqandar sany pandemııanyń sharyqtaý shegine jetken kezdegiden áldeqaıda tómen.

Osyǵan deıin álemde koronavırýstan qaıtys bolǵandar sany 2020 jyldyń kóktemindegi kórsetkish deńgeıine túskeni habarlanǵan bolatyn.