AQSh Izraılge qoldaý kórsetýdi jalǵastyrady – Djo Baıden

<p>AQSh prezıdenti Djo Baıden sársenbi kúni Tel-Avıvte Izraıl premer-mınıstr Bınıamın Netanıahý jáne eldiń áskerı kabınetiniń múshelerimen ótken keńeıtilgen ekijaqty kezdesýde AQSh Izraılge qoldaý kórsetetinin aıtyp, sóz berdi. <a href="https://edition.cnn.com/middleeast/live-news/israel-news-hamas-war-10-18-23/index.html" target="_blank" rel="noopener">Kazinform</a> agenttigi bul týraly CNN telearnasyna silteme jasap habarlaıdy.</p>

Kezdesýde Baıden AQSh Izraılge «óz halqyn qorǵaý» kezinde qoldaý kórsetýdi jalǵastyratynyn aıtty.

«Biz jazyqsyz beıbit turǵyndar japa shegetin qaıǵyly oqıǵalardyń aldyn alý úshin sizben jáne aımaqtaǵy seriktestermen jumys isteýdi jalǵastyramyz», - dedi Baıden.

Ol 7 qazandaǵy HAMAS shabýylyn «qatygez jáne adamgershilikke jatpaıtyn is» dep atady.

Óz kezeginde Netanıahý HAMAS-ty «adamzatqa qarsy sumdyq qos soǵys qylmysyn» jasaǵany úshin synady.

«Izraıl beıbit turǵyndardyń shyǵynyn azaıtýǵa, al HAMAS olardy barynsha arttyrýǵa tyrysýda», - dep atap ótti Netanıahý HAMAS-tyń beıbit turǵyndardy tiri qalqan retinde paıdalanyp jatqanyn tilge tıek ete otyryp.

Izraıl premer-mınıstri túnde Gaza sektoryndaǵy aýrýhanada bolǵan jarylysqa da toqtaldy. Onyń aıtýynsha, lańkester atqylaǵan zymyran durys atpaı, Palestına aýrýhanasyna qulaǵan.

«Búkil álem ádiletti túrde ashýǵa býlyqty – biraq bul ashý Izraılge emes, lańkesterge baǵyttalǵan bolýy kerek. Bul soǵys kezinde Izraıl beıbit turǵyndardy qaýipten saqtap qalý úshin qoldan kelgenniń bárin jasaıdy», - dedi ol.

Gaza bıligi jarylysqa Izraıl jaýapty ekenin málimdedi, al Izraıl qorǵanys kúshteri barlaý málimetteri jarylysqa palestınalyq «Islamdyq jıhad» tobynyń jaýapty ekenin kórsetti dep jaýap berdi.
Osyǵan deıin AQSh prezıdenti Djo Baıdenniń Izraılge barǵany týraly habarlaǵan edik.