AQSh batys jaǵalaýǵa qonystanýshy ızraıldikterge qarsy sanktsııa saldy

<p>AQSh prezıdenti Djo Baıden Iordan ózeniniń batys jaǵalaýyna qonystanýshylardy zorlyq-zombylyqqa shaqyrǵan tulǵalarǵa qarsy sanktsııa salýǵa buıryq berdi, dep habarlady <a href="https://www.golosameriki.com/a/biden-issues-order-sanctioning-violent-west-bank-settlers/7467656.html" target="_blank" rel="noopener">Amerıka daýysy.</a></p>

Jańa buıryq Batys jaǵalaýdaǵy zorlyq-zombylyqty qoldaıdy dep esepteıtin tulǵalarǵa baǵyttalǵan. Aq úı sheneýnikteri olardyń aty-jónin atamady. 

«Prezıdent Djo Baıden Batys jaǵalaýda ekstremıstik kúshter tarapynan zorlyq-zombylyqtyń kóbeıýine, ásirese 2023 jyly rekordtyq deńgeıge jetken ekstremıstik qonystanýshylar tarapynan zorlyq-zombylyqtyń ósýine alańdaýshylyq bildirdi», - dedi ulttyq qaýipsizdik keńesshisi Djeık Sallıvan.

Sondaı-aq ol bul zorlyq-zombylyqtyń Batys jaǵalaýdaǵy, Izraıldegi jáne Taıaý Shyǵys aımaǵyndaǵy beıbitshilikke, qaýipsizdik pen turaqtylyqqa jáne Amerıka Qurama Shtattarynyń ulttyq qaýipsizdigi men syrtqy saıası múddelerine qaýip tóndiretinin aıtty.