AQSh federaldy rezerv júıesi bazalyq stavkany kóterdi

ASTANA.QazAqparat – «Bazalyq mólsherlemeni kóterýdegi maqsat - uzaqmerzimdi perspektıvada 2 paıyzdyq ınflıatsııaǵa qol jetkizý» delingen federaldy rezerv júıesiniń málimdemesinde, dep habarlaıdy QazAqparat DW agenttigine silteme jasap.

AQSh Federaldy rezerv júıesi (FRJ) bazalyq mólsherlemeni 25 bazıstik pýnktke kóterdi - jyldyq 4,25-4,5%-dan 4,5-4,75% deıin.

Ashyq naryqtaǵy operatsııalar boıynsha federaldy komıtettiń (FOMC) tıisti sheshimi sársenbi, 1 aqpanda jarııalanǵan baspasóz habarlamasynda aıtylǵan.

Mundaı saıasattyń maqsaty – uzaq merzimdi perspektıvada maksımaldy jumyspen qamtý jáne ınflıatsııany 2 paıyz deńgeıinde qamtamasyz etý, delingen qujatta.

Bul AQSh-tyń Federaldy rezerv júıesiniń bazalyq mólsherlemesin bıylǵy birinshi kóterýi.

«Reseıdiń Ýkraınaǵa qarsy soǵysy úlken adamı jáne ekonomıkalyq qıyndyqtarǵa ákelýde jáne jahandyq belgisizdiktiń artýyna yqpal etedi. Komıtet ınflıatsııalyq táýekelderge erekshe kóńil bóledi», - dep atap ótti FRJ.

2022 jyldyń jeltoqsanynda ınflıatsııanyń birshama baıaýlaýy jáne bolýy múmkin retsessııa qaýpi fonynda AQSh-tyń Federaldy rezerv júıesi mólsherlemeni 50 bazıstik pýnktke arttyrý arqyly monetarlyq qatańdatý qarqynyn báseńdetti.

Buǵan deıin FOMC-tiń aldyńǵy tórt otyrysynyń qorytyndysy boıynsha ol 75 bazıstik pýnktke kóterildi.

2022 jyldyń maýsymynda COVID-19 pandemııasynyń jáne Ýkraınadaǵy soǵystyń áserinen AQSh-taǵy ınflıatsııa sońǵy 40 jyldaǵy eń joǵary kórsetkish - 9,1% jetti.

Foto: Kevin Lamarque / Reuters