AQSh Energetıka mınıstrliginde álemdik munaı baǵalarynyń jyl ishinde ósetinin boljap otyr

ASTANA. QazAqparat - Álemdik munaı naryǵynda usynys suranystan áli de táýligine shamamen 1,5 mln. barrelge asyp otyr, biraq bul san birte-birte qysqarýda, bul munaı baǵalarynyń bolashaqta ósimine ákeledi. Osyndaı baǵalaýyn beısenbi kúni Kolýmbııa ýnıvresıtetiniń janyndaǵy Jahandyq energetıkalyq saıasat ortalyǵyndaǵy konferentsııada AQSh Energetıka mınıstrliginiń energetıkalyq aqparat basqarmasynyń bastyǵy Adam Semınskı aıtty.

Onyń pikirinshe, «jyl ishinde» suranystyń teńdestirilýi men álemdik munaı naryǵyndaǵy usynystardy kútýge bolady.

Naryqtaǵy jaǵdaıǵa qazirgi kezde birneshe faktor, atap aıtqanda, AQSh-ta taqtatas munaıyn shyǵarý quny áser etip otyr, dep jalǵastyrdy ol. Onyń baǵalaýynsha, taqtatas munaıyn óndirýmen aınalysatyn amerıkandyq kompanııalar «barrel úshin tek 50 dollardan kem bolmaıtyn baǵa kezinde ǵana ómir súre alady», jáne barrel úshin shamamen 30 dollar aǵymdaǵy baǵalar kezinde, AQSh-ta munaı óndirý kólemi aıyna 1-2 paıyzǵa tómendeıdi. Eger baǵa bir barrel úshin 50-75 dollarǵa deıin ósken jaǵdaıda ǵana, kompanııalar jańa uńǵymalardy burǵylaýdy bastaıdy, dep jazady TASS.