AQSh energetıka mınıstrligi Brent jáne WTI boıynsha boljamyn jasady
01:53, 13 Qańtar 2016
ASTANA. QazAqparat - AQSh energetıka mınıstrliginiń (EIA) energetıkalyq aqparat jónindegi basqarmasy 2016 jáne 2017 jyldarǵa Brent markaly munaıdyń boljamyn tómendetti. Bul týraly atalǵan mınıstrlik basqarmasynyń jańartylǵan boljamynda aıtylǵan., dep habarlady Gazeta.ru.
EІA baǵalaýynsha, 2016 jyly Brent munaıynyń ortasha jyldyq quny barreline 40,15 dollardy quraıdy, 2017 jyly - barreli 50 dollar, al 2017 jyldyń sońyna qaraı, atap aıtqanda, tórtinshi toqsanda munaı baǵasy barreline 56 dollar deńgeıine kóteriledi.
Al WTI markaly munaıdyń ortasha baǵasy 2016 jyly 38,34 dollar, 2017 jyly 47 dollar bolmaq.
Barreldiń baǵasy boıynsha boljam 2016 jylǵa Brent úshin 15 dollarǵa jáne WTI úshin 12 dollarǵa tómendep otyr.
Budan buryn shıkizatqa baǵa 1991 jylǵy eń tómengi mejege jetkeni habarlanǵan bolatyn.