AQSh elshisi qazaqstandyqtardy Naýryz merekesimen quttyqtady
«Qurmetti qazaqstandyqtar! Áz-Naýryz merekesi qutty bolsyn! Barshańyzǵa tatýlyq, bereke-birlik, tatýlyq tileımin! Naýryz – qaharly qysty eńseretin kez ǵana emes, jańarý kúni. Qazirgi ýaqytta koronavırýs ınfektsııasynyń taralýymen óte kúrdeli kezeńge tap bolǵanymyzdy túsinemin. Biraq, bul synaqtan birlesip ótemiz. Kóktemniń bul merekesi qýanysh pen shattyq ákelsin! Jáne eń bastysy – sizge jáne jaqyndaryńyzǵa zor densaýlyq tileımin! Jyl basy qutty bolsyn! Aman bolaıyq», - dedi elshi.
Búgin Ulystyń uly kúni – Naýryz meıramy bastaldy. Meıram kúnderi naýryz kóje daıyndalady. Sondaı-aq bul kúni kóńilinde kirbińi barlar tatýlasady, bulaq kózin ashady, aldyn ala úıin, aýlasyn kir-qoqystan tazartady.
Aıta keteıik, bıyl koronavırýs indetiniń taralýyna qarsy sharalarǵa baılanysty merekeni otbasynda atap ótý usynylady.