AQSh elshiligi jeti qalada qyzdarǵa arnalǵan tehnıkalyq lager uıymdastyrmaq
Sabaqtar Nur-Sultan, Qaraǵandy, Pavlodar, Petropavl, Oral, Aqtóbe jáne Óskemende onlaın jáne offlaın formatta ótedi.
Byltyr Nur-Sultanda uıymdastyrylǵan Makercamp for Girls tehnıkalyq lageri geografııalyq aýqymyn keńeıtip, jeti qalada ótkiziledi. Bıyl alǵash ret onlaın formatta uıymdastyrylyp otyr. Onlaın sabaqtar 13 shildede bastalyp, 24 shildede lager qatysýshylary jobalarynyń prezentatsııasymen aıaqtalady.
Makercamp for Girls maqsaty - qyzdardy naqty ǵylymdar boıynsha qarqyndy praktıkalyq sabaqtar arqyly shabyttandyryp, yntalandyrý, baǵdarlamalaýda praktıkalyq daǵdylardy qalyptastyrý, sondaı-aq tehnologııa salasynda óz ıdeıalaryn júzege asyrý.
Qyzdar eki apta boıy baǵdarlamalaý, saıt jasaý, sondaı-aq Scratch grafıkalyq tilin úırenýde bazalyq bilimdi tegin ala alady. Shaqyrylǵan sarapshylar joba jumystary, naqty ǵylymdar men kommýnıkatsııa daǵdylaryndaǵy kreatıvtilik róli týrly dárister ótkizedi.
Qyzdar kúndelikti ómirde kezdesetin máseleler men jergilikti problemalardy sheshetin jobalardy ázirlep, tapsyrmalardy oryndaý úshin chat bottardy paıdalanady.
Onlaın lagerge 15-18 jas aralyǵyndaǵy, al offlaın lagerge 13-15 jas aralyǵyndaǵy mektep oqýshylary qatysa alady.
Onlaın lagerge qatysý úshin 2020 jyldyń 9 shildesine deıin myna silteme boıynsha tirkelý qajet.
Makercamp for Girls baǵdarlamasy alǵash ret 2017 jyly Almatyda AQSh-tyń Almatydaǵy Bas konsýldyǵynyń qoldaýymen men «Shevron» kompanııasynyń demeýshiligi arqasynda júzege asyryldy.
Tolyq aqparatty lagerdiń Instagramdaǵy paraqshasynan bilýge bolady: @Makercampkz