AQSh Elshiligi Reseıge salynǵan sanktsııalardyń Qazaqstanǵa áseri týraly pikir bildirdi
19:30, 04 Naýryz 2022
NUR-SULTAN. QazAqparat – AQSh Elshiliginiń baspasóz qyzmeti Reseıge qarsy salynǵan sanktsııalardyń Qazaqstanǵa áseri týraly pikir bildirdi, dep habarlaıdy QazAqparat tilshisi.Bul týraly Tengrinews.kz jazdy.
«Ýkraınadaǵy jaǵdaı jyldam órbip jatyr. Sondyqtan qazirgi tańda uzaq merzimdi sharalar men olardyń saldary týraly aıtý qıyn. Alaıda, AQSh sanktsııalary Reseı ekonomıkasyna baǵyttalǵanyn jáne basqa elderdiń, sonyń ishinde Qazaqstannyń ekonomıkasyna áserin jumsartý jaǵy eskerilgenin atap ótkimiz keledi.
Sondaı-aq aradaǵy áriptestiktiń 30 jylynda biz Qazaqstannyń ekonomıkasyn ártaraptandyrýǵa jáne nyǵaıtýǵa kómektesý baǵytyn ustanyp kelemiz», - delingen Elshiliktiń Tengrinews.kz-tiń suraýhatyna bergen jaýabynda.