AQSh dárigerleri mezgilsiz ólimnen saqtanýdyń jolyn atady

NUR-SULTAN. QazAqparat – Kúnine keminde 7 myń qadam jasaıtyn adamdarda az júretinderge qaraǵanda barlyq tabıǵı sebepterden bolatyn ólim qaýpi az bolady. Amerıkalyq dárigerlerdiń tıisti nátıjeleri JAMA Network Open basylymynda jarııalandy, dep habarlaıdy QazAqparat.

AQSh-taǵy Soltústik-Batys ýnıversıtetiniń ǵalymdary jasaǵan zertteýge 38-50 jas aralyǵyndaǵy 2110 áıel men er adam qatysqan. 2005-2006 jyldary qatysýshylardan fızıkalyq belsendilik deńgeıin ólsheý úshin apta boıy kún saıyn myqyndaryna údeýólshegish taǵý suraldy. Sodan keıin adamdar osy kórsetkishke baılanysty úsh topqa bólindi.

Birinshi sanatqa fızıkalyq belsendilik deńgeıi tómen qatysýshylar kirdi, olar kúnine orta eseppen 7 myńnan az qadam jasady. Ekinshisinde fızıkalyq belsendilik deńgeıi ortasha adamdar boldy, olar kúnine 7-den 10 myńǵa deıin qadamǵa deıin júrgen. Úshinshi topqa kúnine 10 myńnan astam qadam júretin adamdar ornalastyryldy. Qatysýshylarǵa 2018 jylǵa deıin baqylaý júrgizildi, barlyq ólim tirkeldi.

Fızıkalyq belsendiligi joǵary jáne ortasha qatysýshylar tobynda barlyq sebepterden bolatyn ólim qaýpi kúnine 7 myń qadamnan az jasaǵandarmen salystyrǵanda áldeqaıda tómen ekeni belgili boldy.