AQSh BUU-nyń Adam quqyqtary jónindegi keńesine qaıta oralmaq

NUR-SULTAN. QazAqparat – AQSh-tyń jańa prezıdenti Djo Baıdenniń ákimshiligi BUU Adam quqyqtary jónindegi keńesimen ózara árekettestikti qalpyna keltirýge daıyndalý ústinde. Bul týraly QazAqparat Associated Press agenttigine silteme jasap habarlaıdy.

Onyń derekkózderine qaraǵanda, AQSh memlekettik hatshysy Entonı Blınken táýlik ishinde eldiń «Jenevada ornalasqan bul qurylymǵa baıqaýshy retinde oralyp, keıin tolyqqandy múshesi retinde saılanýǵa nıetti ekenin» jarııalaıdy. Agenttik «bul sheshimniń AQSh-taǵy konservatıvti zań shyǵarýshylar, sondaı-aq Izraıldi qoldaıtyn kúshter tarapynan synǵa ushyraýy» múmkin ekenin jazady.

Materıalda atap ótilgendeı, Baıden ákimshiligi Adam quqyqtary jónindegi keńes «reformalanýy tıis ekenin», al oǵan qol jetkizý úshin eń tıimdi ádis – «onymen prıntsıpterdi basshylyqqa alyp ózara árekettesý» dep sanaıdy.

Adam quqyqtary jónindegi keńes «búkil ádemdegi zorlyq pen ádiletsizdikke qarsy kúres júrgizetinder úshin mańyzdy forým» bolyp tabylady.

«Amerıka ákimshiligi onyń jumysyna «áleýetiniń tolyq kólemde iske asyrylýyn qamtamasyz etý» úshin qatysýǵa nıetti» delingen jarııalanymda.