AQSh BUU-nyń Gazadaǵy atysty toqtatý týraly qararyna tosqaýyl qoıdy

<p>BUU Qaýipsizdik Keńesiniń 13 múshesi atysty dereý toqtatý úshin daýys berdi, AQSh veto quqyǵyn paıdalandy, al Ulybrıtanııa qalys qaldy. Vashıngton mundaı qararlar dıplomatııalyq kúsh-jigerge nuqsan keltirýi múmkin dep sanaıdy.</p>

Kazinform agenttigi bul týraly DW aqparat agenttigine silteme jasap habarlaıdy.

Buǵan deıin habarlanǵandaı, búgin BUU Qaýipsizdik keńesi Gazadaǵy atysty toqtatý qararyna daýys berdi.

BUU Qaýipsizdik keńesiniń Gaza sektorynda atysty gýmanıtarlyq sebeptermen dereý toqtatý týraly qarar jobasy taǵy da sátsiz aıaqtaldy.

Juma kúni, 8 jeltoqsanda Qaýipsizdik keńesi 15 múshesiniń 13-i Birikken Arab Ámirlikteri engizgen qujat úshin daýys berdi, biraq AQSh oǵan veto qoıdy. BUU-nyń joǵary organynyń 15-shi múshesi Ulybrıtanııa qalys qaldy.

Buǵan deıin mundaı qararlar dıplomatııalyq kúsh-jigerge qaýip tóndiretini týraly aıtylyp, Izraıldi árdaıym qoldap kelgen AQSh-tyń qarsylyǵynan osyǵan uqsas usynystar elengen joq.

Buǵan deıin BUU Bas hatshysy Antonıý Gýterrısh BUU Jarǵysynyń 99-babyna silteme jasaı otyryp, BUU Qaýipsizdik keńesin gýmanıtarlyq atysty toqtatýdy qoldaýǵa shaqyrǵan.

Sondaı-aq BUU Bas Assambleıasynyń Palestınany qoldaıtyn 5 qarar qabyldaǵany týraly habarlandy.