AQSh BUU-daǵy shyǵyndaryn eki esege qysqartpaqshy

ASTANA. QazAqparat - AQSh Memlekettik departamentine BUU baǵdarlamasynyń bıýdjetine tólenetin Vashıngtonnyń jarnasyn eki esege qysqartýdy talap etý týraly nusqaý berilgen. Bul týraly Vashıngtonnyń syrtqy saıasat máselelerine mamandandyrylǵan Foreign Policy jýrnaly dúısenbi kúni menshikti «úsh derekkózine» silteme jasap habarlady. 

Basylym anyqtaǵandaı, qazirgi tańda «AQSh BUU-ǵa jyl saıyn 10 mlrd dollar qarjy bóledi», dep habarlaıdy TASS.

Jýrnal Donald Tramp respýblıkalyq ákimshiliginiń bul áreketin halyqaralyq operatsııalardan, naqtyraq aıtqanda balalardy ekpemen qamtamasyz etýdan, sanktsııalanbaǵan ıadrolyq qarýǵa qatysty baǵdarlamalardy baqylaýdan, Sırııadan Iemenge deıin túrli jerlerdegi beıbit kelissózderdi júrgizetin halyqaralyq operatsııalardan bas tartty dep baǵalaýda.

Maqala avtory beısenbi kúni Vashıngtonda Memlekettik departament, AQSh-tyń halyqaralyq damý agenttigi men basqa da sheteldik kómek kórsetý baǵdarlamalaryn, sonyń ishinde BUU-ny qarjylandyrýǵa ketetin shyǵyndaryn 37%-ǵa deıin qysqartýǵa baǵyttalǵan AQSh-tyń jańa federaldyq bıýdjeti jobasynyń tanystyrylýy tıis ekendigin eske saldy.