AQSh bıligi Kım Chen Ynnyń málimdemesine jaýap berdi

NUR-SULTAN. QazAqparat - AQSh-tyń memlekettik hatshysy Maık Pompeo Soltústik Koreıa atom synaǵy men kontınentaralyq zymyrandardy synaqtan ótkizýge qoıylǵan moratorııden bas tartpaıtynyna úmittenetinin aıtty, dep habarlaıdy QazAqparat Reuters agenttigine silteme jasap.

Maık Pompeo Soltústik Koreıa soǵysty emes, beıbitshilikti tańdaıtynyna senetinin jetkizdi.

«Kópshilik aldynda aıtylǵan bul málimdeme oryndalmaı, Kım basqa joldy tańdaıtynyna úmittenemiz. Kım durys joldy, soǵysty emes, beıbitshilikti tańdaıdy dep oılaımyn», - dedi Pompeo.

Jýrnalıster Pompeodan Kımniń jańa strategııalyq qarýǵa baılanysty aıtqan málimdemesine qatysty pikirin surady.

«Eger Kıim Tramppen kezdesýde ózine alǵan mindetterdi atqarmasa, bul Amerıkanyń kóńilin qaldyrady. Ol Tramp iri áskerı jattyǵýlar uıymdastyrmasa osy mindetterdi atqaramyn dep ýáde bergen. AQSh óz sózinde turdy. Soltústik Koreıa da óz sózinde turady dep senemiz», - dedi Pompeo.

Esterińizge sala ketsek, buǵan deıin Soltústik Koreıa ıadrolyq synaqtardy qaıta bastaıtynyn málimdegen edi.