AQSh baıqaýshysy úsh saǵatta Almatydaǵy alty saılaý ýchaskesin aralady

ALMATY. QazAqparat - Aýa raıynyń qolaısyzdyǵyna qaramastan, almatylyqtar daýys berýge belsendi qatysyp jatyr. Bul týraly baspasóz konferentsııasy barysynda «Wikistrat Global Consultancy» aǵa ǵylymı qyzmetkeri, AQSh-tyń táýelsiz baqylaýshylar mıssııasynyń múshesi Rıchard Ýılıam Vaıts aıtty, dep habarlaıdy QazAqparat tilshisi.

Spıker Almatydaǵy 6 saılaý ýchaskesin úsh saǵat aralaǵanyn aıtty.

«Saılaý ýchaskelerinde men ár túrli jastaǵy adamdardy kórdim, jastar da bar, úlken kisiler de bar. Eshqandaı narazylylyq bolǵan joq, men óz kórgenime rıza boldym», - dep atap ótti Rıchard Ýılıam Vaıts.

Sonymen qatar, ol 6 saılaý ýchaskesin úsh saǵat aralaǵanyn aıtty

Baspasóz ortalyǵynyń spıkeri Qazaqstanda AQSh-qa qaraǵanda saılaýǵa barynsha jaýapkershilikpen qaraıtynyn tilge tıek etti.

«Basty aıyrmashylyqtardyń biri osy bolsa kerek. AQSh-ta saılaýda halqynyń jartysynan azy daýys beredi. Sondaı-aq AQSh-ta baıqaýshylarǵa saılaý ýchaskeleriniń ishinde bolýǵa tyıym salynady, olar ony syrttan baqylaıdy», - dedi ol.