AQSh baıqaýshysy Qazaqstandaǵy Parlament saılaýyn Amerıkadaǵy prezıdenttik saılaýmen salystyrdy
«Ýınston Cherchıl «Demokratııa - basqarýdyń eń soraqy túri, biraq odan basqalary odan da soraqy» degen eken. Qazaqstan da demokratııanyń belgili bir kezeńinde tur. Men Qazaqstandaǵy parlament saılaýyn qarap baıqadym, ony Amerıkadaǵy prezıdent saılaýynyń protsesimen de salystyrdym. Sodan túıgenim, Cherchıl shynymen durys aıtqan sekildi», - dedi Don Borker.
Onyń sózine qaraǵanda, Astanadaǵy saılaý joǵary deńgeıde uıymdastyrylǵan ári tıimdiligi de joǵary.
«Eń bastysy, men saılaý ýchaskelerinde adamdardyń kóńil kúıin kórip, rýhyn sezindim. Saılaýshylar daýys berýge kelgende, olardan maqtanysh sezimdi de baıqaýǵa bolatyndaı edi. Olar ózderiniń daýys berý quqyǵyn paıdalanǵandy erekshe mártebe sanaıtyn sekildi. Bunyń bári - jaǵymdy jaqtary», - dedi AQSh sarapshysy.
«Amerıkadaǵy saılaýda azamattar kabınkaǵa kirgende belgili bir adam úshin daýys beredi, al Qazaqstanda partııa úshin daýys beredi. Bul da erekshelik bolsa kerek», - dedi Don Borker.
«Qazaqstan demokratııanyń ózegi sanalatyn saılaý úshin berik negizder qalap keledi. Adamdar ózderiniń konstıtýtsııalyq quqyǵyn júzege asyrý úshin qalaı daýys berý kerek ekenine beıimdelip keledi. Ýaqyt ete kele Qazaqstandaǵy saılaý júıesi eń básekege qabiletti bolatyn sekildi. Eń bastysy, Qazaqstannyń saılaýdaǵy ustanymy men qadamy durys», - dedi ol.