AQSh aýrýhanasynda atys bolyp, 5 adam qaza tapty

NUR-SULTAN. QazAqparat – AQSh-taǵy Oklahoma shtatynyń Talsa qalasyndaǵy aýrýhanada atys bolyp, bes adam qaza tapty. Olardyń arasynda oq atqan adam da bar, dep habarlaıdy QazAqparat BBC silteme jasap.

Polıtsııa qyzmetkerleri oqıǵa bolǵan Kıeli Frantsısk aýrýhanasyna jetkeninde qarýly shabýylshy mert bolǵan. Ázirge aty-jóni belgisiz er adam myltyq pen tapanshamen qarýlanǵan.

Polıtsııa bastyǵynyń orynbasary Erık Dalglısh atys kezinde tórt beıbit turǵyn men oq atqan adamnyń qaza tapqanyn, sondaı-aq kóptegen adamnyń jaraqat alǵanyn málimdedi. Polıtsııada shabýyldyń ne sebep bolǵany jaıly aqparat joq. Qazirgi ýaqytta tergeý amaldary júrgizilýde.

Eske salsaq, Aq úı basshysy amerıkalyqtardy Tehas shtatyndaǵy mektepte atystan keıin qarýly zorlyq-zombylyqty boldyrmaýǵa shaqyrdy.