AQSh Aýǵanstannan áskerin tolyq áketti
07:54, 31 Tamyz 2021
NUR-SULTAN. QazAqparat – Pentagon AQSh áskerlerin kabýldyq áýejaıdan evakýatsııalaý aıaqtalǵanyn jarııalady. Bul týraly QazAqparat VVS aqparat agenttigine silteme jasap habarlaıdy.
Pentagon baspasóz hatshysy Djon Kırbı men teńiz jaıaý áskeri generaly Kennet Makkenzı qazirgi kezde ótip jatqan brıfıngte amerıkandyq áskerı qyzmetkerler otyrǵan sońǵy ushaqtyń Kabýl áýejaıynan ushyp shyqqanyn rastady.
Amerıkandyqtar men tálibter arasyndaǵy kelisim boıynsha, áskerı qyzmetkerlerdi evakýatsııalaý 31 tamyz kúni aıaqtalýy tıis boldy.
VVS tilshisi Lız Dýset tálibterdiń birshama ýaqyt buryn jelide arnaıy jasaǵynyń amerıkandyqtarmen kezdesken fotosýretterin jarııalaǵanyn jazdy, aldyn ala boljam boıynsha, bul áýejaıdy tapsyrý protsesi bolǵan.