AQSh áskerleri Sırııadaǵy lańkestik uıym basshylarynyń kózin joıdy

AMMAN. QazAqparat – Amerıka áskeri Eýropadaǵy lańkestik áreketterdi josparlaýǵa jaýapty Sırııadaǵy «Islam respýblıkasy» tobynyń (Qazaqstanda tyıym salynǵan – avt.) joǵary shendi basshylarynyń kózin joıǵanyn málimdedi, dep habarlaıdy QazAqparat tilshisi CENTCOM-ǵa silteme jasap.

AQSh ortalyq qolbasshylyǵy (CENTCOM) seısenbi kúngi málimdemesinde toptyń óltirilgen múshesiniń esimin habarlady. Ol qarýly toptyń Eýropadaǵy IR shabýyldaryn josparlaýǵa jaýapty bolyp, basshylyqtyń qurylymyn jasaǵan Halıd Aıdd Ahmad al-Djabýrı bolyp shyqty.

«Top álsirep qalǵanyna qaramastan, ol burynǵysha Taıaý Shyǵystan tys jerlerde shabýyl jasaý operatsııalaryn ótkizýge qabiletti. Onyń ólimi syrttaǵy shabýyldardy josparlaý múmkindigin joıady», delingen málimdemede.

Operatsııa dúısenbi kúni ótkizildi. Beıbit turǵyndar zardap shekken joq. Qazirgi ýaqytta «Islam respýblıkasy» tobynyń sany 5-7 myń adamǵa jetedi. Olar negizinen Sırııa men Irakta turady, dep habarlady Reuters BUU esebine silteme jasap.

Foto: AlJazeera / AP