AQSh áskeri hýsıtterdiń bes ushqyshsyz ushatyn apparatyn joıyp jiberdi

<p>ASTANA. KAZINFORM &ndash; Bul soqqylar ıemendik kóterilisshilerdiń Qyzyl teńizdegi kemelerge jasaǵan kóptegen shabýyldaryna sońǵy jaýap boldy. AQSh áskerıleri seısenbi kúni AQSh pen koalıtsııa kúshteri Qyzyl teńizde hýsıtterdiń ushqyshsyz basqarylatyn bes ushaǵyn atyp túsirgenin málimdedi, dep habarlaıdy <a href="https://www.golosameriki.com/a/us-military-destroying-/7505743.html" target="_blank" rel="noopener">Amerıka daýysy</a>.</p>

AQSh Ortalyq qolbasshylyǵynyń habarlaýynsha, ushqyshsyz apparattar Iemenniń hýsıtter baqylaýyndaǵy aımaqtarynan ushyrylǵan.

Qolbasshylyq málimdemesinde ushqyshsyz apparattar «aımaqtaǵy saýda kemelerine, sondaı-aq AQSh Áskerı-teńiz kúshteri men koalıtsııa kemelerine tikeleı qaýip tóndirgeni» aıtylǵan. 

Bul hýsıtterdiń Qyzyl teńizdegi kemelerge birneshe aıdan beri jalǵasyp kele jatqan shabýyldaryna qarsy jasalǵan kezekti shara boldy.

Hýsıtterdiń málimdeýinshe, olar Gaza sektoryndaǵy soǵys kezinde palestınalyqtarmen yntymaqtasa áreket etip jatyr.

Shabýyldar kóptegen júk tasymaldaýshy kompanııalardy Qyzyl teńiz arqyly ótetin dálizden aýlaq júrgizdi, onyń ornyna olar Afrıka boıynsha uzaǵyraq jáne qymbatyraq joldy tańdady.

Teńiz qaýipsizdigi salasyndaǵy fırmalardyń habarlaýynsha, hýsıtter jańa shabýyldy seısenbi kúni keshke Iemenniń Hodeıda portynan batysqa qaraı 110 shaqyrymdaı jerde jasady.
Brıtandyq teńiz saýda operatsııalary ortalyǵy kemeden birneshe shaqyrym jerde zymyran jarylysy týraly habarlama alǵanyn, ol zardap shekpegenin jáne qozǵalysyn kelesi baılanys portyna deıin jalǵastyrǵanyn málimdedi.

Brıtandyq Ambrey qaýipsizdik fırmasy bul kemeniń Marshall araldarynyń týyn kóterip júrgen grek kompanııasyna tıesili júk kemesi bolyp kórinetinin aıtty.