Aqsaıda joǵalyp ketken 5-synyp oqýshysy aman-esen tabyldy

ORAL. QazAqparat – Aqsaı qalasynda joǵalyp ketken 5-synyp oqýshysy aman-esen tabyldy, dep habarlaıdy QazAqparat tilshisi.

BQO polıtsııa departamentiniń baspasóz qyzmetinen málim etkendeı, oqıǵa 27 aqpan kúni keshkisin bolǵan.

«Aqsaıdaǵy №6 mektep-lıtseıdiń 5-synyp oqýshysy Alan Merǵalıev bilim ordasynan saǵat 19.15-te shyqqannan úıine oralmaǵan. Balany izdestirý is-sharalaryna búkil jeke quram jumyldyryldy. Sonyń nátıjesinde oqýshy 28 aqpanǵa qaraǵan túngi saǵat 00.20 shamasynda aman-esen tabyldy. Tolyq aqparat keıin beriledi», - dep habarlady vedomstvodan.

Eske sala keteıik, budan buryn Batys Qazaqstanda jasóspirimder qylmysynyń eki ese óskenin jazǵan bolatynbyz.