Aqsaıda turǵyn úıdegi órt saldarynan 2 bala, 1 áıel jansaqtaý bólimine jatqyzyldy

<p>ORAL. KAZINFORM &mdash; Aqsaı qalasynda kópqabatty turǵyn úıde órt boldy.</p>

BQO TJ departamentiniń baspasóz qyzmetinen málim etkenindeı, órt tórtinshi qabatta bolǵan.

«Órt sóndirýshiler 1 adamdy qutqaryp, 12 adamdy evakýatsııalady. Zardap shekkender jedel medıtsınalyq járdem qyzmetkerlerine tapsyryldy. Órt 60 sharshy metr aýmaqta joıyldy. Onyń sebebi anyqtalý ústinde», - dep habarlady vedomstvodan.

BQO densaýlyq saqtaý basqarmasy baspasóz qyzmetiniń naqtylaýynsha, 22 qarasha kúni saǵat 09.20-da Aqsaı qalasy 10-shaǵynaýdanda 19-úıde órt bolǵany jóninde shaqyrtý túsken. Jedel medıtsınalyq járdem brıgadasy zardap shekken 3 adamdy Bórli aýdandyq aýrýhanasyna jetkizdi. Qazirgi ýaqytta 2020 jáne 2016 jylǵy eki ul bala, sondaı-aq 1981 jylǵy áıel jansaqtaý bóliminde jatyr. Jaǵdaılary aýyr. Qajetti emin alýda.

Áleýmettik jelide taralǵan beınejazbada órt kezinde eki balanyń tórtinshi qabattaǵy terezeden sekirgeni anyq kórinedi. Olardy tómende turǵan adamdar jaıma jaıyp, tosyp almaq bolǵanymen, bireýin túsirip alǵan.

Eske sala keteıik, budan buryn Oralda dúken órtenip, 20 adam evakýatsııalanǵanyn jazǵan bolatynbyz.