Aqparattyń shyn ne jalǵan ekendigin anyqtaıtyn ınternet-resýrs iske qosyldy

NUR-SULTAN. QazAqparat - Aqparat jáne qoǵamdyq damý mınıstrligi www.stopfake.kz jańa ınternet-resýrsyn iske qosty, dep habarlaıdy QazAqparat atalmysh vedomostvoǵa silteme jasap.

Bul saıt faktilerdi muqııat tekserip, aqparattardyń shyn-jalǵanyn anyqtap, nátıjesinde olardyń feık, manıpýlıatsııa, arandatý jáne t.b. ekendigin jarııalaıdy.

StopFake buqaralyq aqparat quraldarynda, áleýmettik jelilerde, messendjerlerde, baılanys kanaldarynda taratylǵan aqparattardyń shynaıylyǵyn anyqtap, taldap, zertteý nátıjelerin kórsetedi.

Saıtta «Jalǵan aqparǵa shaǵymdaný» fýnktsııasy bar, ol arqyly kez kelgen adam redaktsııaǵa hat joldap, aqparattyń múmkin emestigi týraly shaǵym jibere alady. Redaktorlar onyń jalǵandyq dárejesin anyqtap, bul týraly jańalyqtardy veb-saıtqa jarııalaıdy.

Jalpy alǵanda, StopFake qoǵamdy durys aqparattandyrýǵa, aqparattyq manıpýlıatsııalarmen kúresýge jáne qate, jalǵan habarlamalardyń aqparattyq tazalyǵyna baǵyttalǵan.