Aqparatqa qol jetkizý máseleleri jónindegi komıssııanyń jyl ishindegi jumysy saralandy
Birinshi másele – «Ashyq úkimet» portaldaryn jáne memlekettik organdardyń resmı saıttaryn biriktiretin memlekettik organdardyń ınternet-resýrstarynyń biryńǵaı platformasyn damytý jónindegi komıssııanyń usynymdaryn iske asyrý.
Tsıfrlyq damý, ınnovatsııalar jáne aeroǵarysh ónerkásibi vıtse-mınıstri Áset Turysov óz baıandamasynda «Ashyq úkimet» portaldarynyń redızaınyna jáne 15 qarashadan bastap Qazaqstan týraly túrli aqparattardy, azamattarǵa qolǵabys bolatyn ómirlik jaǵdaılardy jáne t.b. qamtıtyn MO IRBP bastapqy betiniń iske qosylýyna nazar aýdardy.
Óz kezeginde Mınıstr Aıda Balaeva MO IRBP jáne «Ashyq úkimet» portaldaryn halyq arasynda tanymal etý qajettigin atap ótti.
«Mundaı resýrstardyń bar ekenin halyqqa keńinen habarlaý mańyzdy. Buqaralyq aqparat quraldary men ÚEU-dy tarta otyryp, bul aqparattyq resýrsty nasıhattaý boıynsha birlesken jumys júrgizýdi jáne kelesi jyldyń basynda tıisti is-sharany josparlaýdy usynamyn» - dep atap ótti A.Balaeva.
Sondaı-aq, aqparattyń ashyqtyǵy men qoljetimdiligin arttyrý jónindegi is-sharalardy kózdeıtin memlekettik apparattyń bıýrokratızmin tómendetý jónindegi jol kartasyn oryndaý máselesi qaraldy.
Memleket jáne qoǵam kommýnıkatsııalaryn damytý departamentiniń dırektory Bekzat Rahımov memlekettik organdardyń ashyq derektermen, resmı saıtpen jáne basqa da aqparattyq resýrstarmen jumys isteý kezindegi kemshilikter týraly baıandady.
Otyrys barysynda aqparattyń ózektiligi men aqparatty toltyrý kórsetkishteri búginde 100% - dan az (tómen) memlekettik organdar tyńdaldy.
«Komıssııa monıtorıng jáne baqylaý máselelerinde prıntsıpshil bolýy tıis. Kelesi jyly komıssııa alańynda memlekettik organdardy Nur-Sultan, Almaty jáne Shymkent qalalarynyń ákimdikterinen bastap júrgizilip jatqan jumystar týraly jeke tyńdaý qajet», - dep atap ótti A.Balaeva.
Budan basqa, mınıstr memlekettik organdarmen birlesip, Ashyq derekterdiń halyq arasynda suranysqa ıe jáne tanymal bolýy turǵysynan biryńǵaı tizbeni pysyqtaýdy usyndy.
Basqosý sońynda komıssııanyń 2022 jylǵa arnalǵan jumys josparynyń jobasy qaraldy.
Mınıstr aı saıynǵy negizde, aqparattyq ashyqtyqtyń tómen kórsetkishteri bar memlekettik organdardy turaqty tyńdaı otyryp, komıssııa otyrystaryn ótkizýdi usyndy.
Jyl qorytyndysyn shyǵara otyryp, Komıssııa jumysynyń mynadaı nátıjelerine nazar aýdarǵan jón.
Komıssııanyń usynymdary boıynsha, aqparatty paıdalanýshylarǵa yńǵaıly bolý maqsatynda memlekettik organdardyń 1000-nan astam saıttary bir platformada - MO IRBP-ǵa biriktirildi (www.gov.kz ).
«Ashyq úkimet» portaldarynyń fýnktsıonaly aıtarlyqtaı jaqsardy (www.open.egov.kz ) jáne olardyń jumysyn turaqtandyrý boıynsha naqty sharalar qabyldandy. Saıttyń nashar kóretinderge arnalǵan nusqasy pysyqtalyp, portaldardyń keıbir aqparattyq júıelermen («Ashyq bıýdjetter» portaly «e-Qarjymıni» jáne «Memlekettik josparlaý» aqparattyq júıelerimen, «E-zańnama» men «Ashyq NQA» portaldarynyń) birigý protsesi aıaqtalýda.
Jyl boıy komıssııa «Aqparatqa qol jetkizý týraly» zań talaptarynyń oryndalýyna turaqty monıtorıng júrgizdi. Sonyń arqasynda memlekettik organdardyń kópshiligi MO IRBP men «Ashyq derekter» portalyn memlekettik jáne orys tilderindegi aqparatpen 100% tolyqtyrýdy qamtamasyz etti.
Komıssııanyń tikeleı qatysýymen bıyl alǵash ret Memleket basshysyna aqparatqa qol jetkizý salasynyń jaı-kúıi týraly jyldyq esep daıyndaldy.