Aqparatqa qol jetkizý quqyǵyn buzǵandar aıyp arqalaýy múmkin

NUR-SULTAN. QazAqparat – Aqparatqa qol jetkizý másleleri jónindegi komıssııanyń otyrysynda azamattardyń aqparatqa qol jetkizý quqyǵyn buzǵan aqparat ıelerine aıyppul salý usynyldy, dep habarlaıdy QazAqparat tilshisi.

Komıssııa otyrysynda Memleket pen qoǵam kommýnıkatsııalaryn damytý departamentiniń dırektory Bekzat Rahımov Aqparat jáne qoǵamdyq damý mınıstrliginiń aqparattyń qoljetimdiligin arttyrý úshin usynyp otyrǵan sharalaryn atady.

«Salanyń ári qaraı damýyna mynadaı múmkindikter bar. Ashyqtyq prıntsıpterin salalyq zańnama arqyly kúsheıtip bekitýge bolady. Azamattardyń aqparatqa qol jetkizý quqyǵy buzylsa, aıyppul arqalatý úshin aqparat ıesin jaýapkershilikke tartýǵa negiz bolatyn jaıttardyń tizimin keńeıte túsý kerek. Ashyqtyq standarttaryn bekitý arqyly aqparat ıesiniń aqparattyq ashyqtyǵyn jetildirý qajet. Múgedekterdiń aqparatqa qol jetkizýin qamtamasyz etý úshin quqyqtyq jáne uıymdastyrýshylyq jáne basqa da jaǵdaılar jasaý kerek. Condaı-aq, Qazaqstandy Open Government Partnership halyqaralyq bastamasyna qosý usynylyp otyr», - dedi mınıstrlik ókili.