Aqparat jáne qoǵamdyq damý mınıstrliginde memlekettik marapattardy tabys etti

NUR-SULTAN. QazAqparat - Aqparat jáne qoǵamdyq damý mınıstrliginde Táýelsizdik kúni qarsańynda ótken saltanatty rásim barysynda vedomostvo bastyǵy Dáýren Abaev birqatar memlekettik marapattardy tabys etti, dep habarlaıdy QazAqparat atalmysh mınıstrliktiń baspasóz qyzmetine silteme jasap.

Marapat ıeleri qatarynda belsendi qoǵam qaıratkerleri, jýrnalıster jáne jetekshilik etetin sala ókilderi bar.

Atap aıtqanda, «Qurmet» ordenimen «Chelovek ı Zakon» Respýblıkalyq zań gazetiniń jáne «Pravo ı polıtıka» jýrnalynyń bas redaktory Marat Bashımov; «Habar» agenttigi basqarmasy tóraǵasynyń birinshi orynbasary Rınat Kertaev; «Aqnıet» aqparattyq-nasıhattaý jáne ońaltý ortalyǵy« QQ dırektory Álim Shaýmetov; Respýblıkalyq «Pravovoı Kazahstan» gazetiniń bas redaktory Ázimhan Qasym; M.Naryqbaev atyndaǵy Qazaq gýmanıtarlyq zań ýnıversıtetiniń ǵylymı-zertteý jobalarynyń jetekshisi Marat Qoǵamov; «Egemen Qazaqstan» AQ bas redaktorynyń orynbasary Dýman Anashov pen «Jas qazaq» gazetiniń bas redaktory Israıl Smaıl marapattaldy.

Sondaı-aq, Aqparat jáne qoǵamdyq damý mınıstrliginiń basqarma jetekshisi Aına Júzenova; «Otandastar qory» KEAQ-ǵa qarasty Ǵylymı-saraptamalyq keńestiń múshesi Aýyt Muqıbek; «QazAqparat» halyqaralyq aqparat agenttigi» JShS dırektory Asqar Omarov jáne «Egemen Qazaqstan» AQ jaýapty hatshysy Samat Musa «Eren eńbegi úshin» qurmet medalimen nagradtaldy.

Qazaqstan Respýblıkasynyń Qurmet gramotasyna ıe bolǵandar: Ulttyq delfıı komıtetiniń dırektory Quralaı Túsbekova; Zakon.kz jelilik basylymynyń bas redaktory Qaırat Shaıhıev; Aqparat jáne qoǵamdyq damý mınıstrliginiń bas sarapshysy Babyr Daýrenbek; Aqparat jáne qoǵamdyq damý mınıstrliginiń bas sarapshysy Dına Úmbetalıeva.

Premer-Mınıstrdiń alǵys haty Azamattyq qoǵam isteri komıtetiniń tóraıymy Álııa Ǵalymovaǵa; Jastar jáne otbasy isteri komıtetiniń tóraǵasy Madııar Qojahmetke; BAQ salasyndaǵy memlekettik saıasat departamentiniń dırektory Bahnııaz Karashınaǵa; Taldaý jáne strategııalyq josparlaý departamentiniń dırektory Arhat Sádýaqasovqa; Din isteri komıtetiniń Óńirlik jumysty úılestirý basqarmasynyń basshysy Merekegúl Qarabaevaǵa berildi.

«Aqparat salasynyń úzdigi» tósbelgisimen Aqparat jáne qoǵamdyq damý mınıstrliginiń Aqparat komıteti tóraǵasynyń orynbasary Mıhaıl Komıssarov marapattaldy.