Aqparat vıtse-mınıstri 9 memlekettik telearnanyń nege konkýrstardan bosatylǵanyn túsindirdi

<p>ASTANA. KAZINFORM &ndash;&nbsp; Mádenıet jáne aqparat vıtse-mınıstri Qanat Ysqaqov Senat depýtattarynyń suraǵyna bergen jaýabynda 9 memlekettik telearnanyń nege memlekettik tapsyrys konkýrstarynan bosatylǵanyn túsindirdi.&nbsp;</p>

«Búkil kabeldi operatorlarda kórsetilimi bolýǵa mindetti telearnalardyń sany qazir 17. Olardyń qatary jyl saıyn konkýrstyq protsedýralar negizinde qalyptasady. Halyqaralyq tájirıbeni eskerip, biz qurylymdy ózgerttik. Endi 17 arnanyń ishindegi 9 memlekettik arna konkýrsqa qatyspaıdy. Sáıkesinshe eshqandaı qujat ta tapsyrmaıdy. Óıtkeni memleket bul telearnalardy kútip ustaýǵa aqsha tólep otyrsa, olardyń memleket saıasatyn júrgizýdegi qoljetimdiligi 100 paıyz bolýǵa tıis. Olardyń konkýrsqa qatysýynan mán kórip otyrǵan joqpyz», - dedi ol.

Vıtse-mınıstr mindetti pakettegi qalǵan 8 arna burynǵysha konkýrstar arqyly memlekettik aqparat tapsyrysyn ala beretinin de atap ótti.

«Qalǵan 8 úmitker arna týraly aıtsaq, mindetti paketti qalyptastyrý kezinde olardyń kontenti birinshi kezekte eskeriledi. Bul mazmuny, mádenı, aǵartýshylyq bóligi degen sóz. Ondaǵy kontenttiń bári zańnama normalaryna, azamattarymyzdyń dástúr normalaryna sáıkes kelýi kerek», - dedi Qanat Ysqaqov.