Aqparat mınıstrliginde AQSh ókilderi qarýly qaqtyǵys aımaqtarynan oralǵan azamattar máselesin talqylady

NUR-SULTAN. QazAqparat - Din isteri komıteti tóraǵasynyń orynbasary Baýyrjan Bakırovtyń AQSh sarapshylary -Chıkago ýnıversıtetiniń professory Stıven Ýeınmen, Djordj Vashıngton ýnıversıtetiniń Ellıott atyndaǵy Halyqaralyq qatynastar mektebiniń sarapshysy Noa Takermen kezdesti. Aqparat jáne qoǵamdyq damý mınıstrliginde ótken shara Qazaqstan Úkimeti men AQSh Memlekettik departamentiniń qarýly qaqtyǵystar aımaqtarynan oralǵan azamattardy ońaltý jónindegi birlesken jobasy sheńberinde ótti, dep habarlaıdy QazAqparat Aqparat mınıstriginiń baspasóz qyzmetine siteme jasap.

Kezdesý barysynda professor Ýeın AQSh Memlekettik departamentiniń grantyn iske asyrý sheńberinde ońaltý salasyndaǵy mamandarmen semınarlar, vebınarlar men dóńgelek ústelder, sondaı-aq urys qımyldary aımaǵynan oralǵan áıelder men balalarmen kezdesýler ótkizip jatqanyn atap ótti.

Jıynda B.Bákirov «Jýsan» operatsııasy aıasynda oralǵan repatrıanttardy ońaltý jáne qaıta áleýmettendirý boıynsha Din isteri komıtetimen júrgizip jatqan jumystary jáne osy saladaǵy jergilikti atqarýshy organdarmen birlesip qol jetkizgen oń nátıjeleri týraly baıandady.

Talqylaý barysynda qarýly qaqtyǵystar aımaqtarynan oralǵan azamattardy ońaltý máseleleri boıynsha eki tarap úshin qyzyǵýshylyq týdyratyn máseleler qozǵaldy.