Aqparat mınıstrligi «NEET» sanatyndaǵy jastarmen jumys boıynsha keńes ótkizdi

NUR-SULTAN. QazAqparat - QR Aqparat jáne qoǵamdyq damý vıtse-mınıstri Asqar Ýmarov «NEET» sanatyndaǵy jastarmen, ásirese óńirlik deńgeıde ádisnamalyq qamtamasyz etý jáne jumys algorıtmderin qalyptastyrý máselelerin talqylaý boıynsha keńes ótkizdi, dep habarlaıdy QazAqparat.

Asqar Ýmarov «NEET» sanatyndaǵy jastar sanyn azaıtý jónindegi qyzmet «Nur Otan» partııasynyń saılaýaldy baǵdarlamasynyń jáne ony iske asyrý jónindegi Jol kartasynyń 71 — tarmaǵynda bekitilgen basym mindetteriniń biri ekenin atap ótti.

Aıta keteıik, Aqparat jáne qoǵamdyq damý mınıstrligi «Jastar» ǵylymı-zertteý ortalyǵymen jáne jergilikti atqarýshy organdarmen birlesip «NEET» sanatyndaǵy jastarmen jumys mehanızmderin ázirleý boıynsha jumys júrgizýde.

Osylaısha, ishki qaıta bólý esebinen jastar resýrstyq ortalyqtarynda ataýly jumys boıynsha arnaıy bólimder qurylady, jastardyń óńirlik bazasy qalyptasady jáne jańa biliktilik alýǵa, oqýdy jalǵastyrýǵa nemese jumysqa ornalasýǵa múmkindik beretin jas azamattardy áleýmettendirý baǵdarlamasy daıyndalady.

Budan basqa, memlekettik jastar saıasaty týraly zań jobasy sheńberinde «NEET sanatyndaǵy jastar» uǵymyn zańnamalyq túrde bekitý josparlanýda.

Keńeske QR Strategııalyq josparlaý jáne reformalar jónindegi agenttiginiń ulttyq statıstıka bıýrosynyń, QR Eńbek jáne halyqty áleýmettik qorǵaý mınıstrliginiń, «Jastar» ǵylymı-zertteý ortalyǵynyń, «NEET» sanatyndaǵy jastarmen jumys jónindegi respýblıkalyq jobalaý keńsesiniń jáne sarapshylar qaýymdastyǵynyń ókilderi qatysty.

Talqylaý qorytyndysy boıynsha atalmysh sanatty memlekettik qoldaý sharalarymen qamtamasyz maqsatynda «NEET» sanatyndaǵy jastardy esepteý ádistemesin ózektendirý máselesin taǵy da qosymsha qaraý týraly sheshim qabyldandy.