Aqparat mınıstrligi BAQ týraly zańnamaǵa enetin ózgerister qashan daıyn bolatynyn aıtty
Elordada ótip jatqan buqaralyq medıany zańnamalyq retteý týraly konferentsııada Kemelbek Qoıshybaev ınternet resýrstardyń jarnama tartýyn zańmen retteý kózdelip otyrǵanyn aıtty.
«Qoldanystaǵy zańnamada ınternettegi jarnamany retteýge qatysty quqyqtyq alshaqtyq bar ekenin kóremiz. Endi zańnamada ınternet-resýrstardyń jarnama ornalastyrý quqyqtary men jaýapkershiligin naqty norma arqyly aıqyndaý qajet dep sanaımyz. Internet-resýrstardaǵy bannerlik jáne beıne jarnamanyń kólemin anyqtaý kózdelip otyr. Bul sharalar jarnamany ornalastyrýdyń barlyq erejelerin saqtaıtyn dástúrli BAQ múddelerin qorǵaýǵa múmkindik beredi.
Jarnama búkil BAQ úshin negizgi tabys kózi ekenin túsinemiz. Biraq dástúrli BAQ jarnama týraly zańnamany saqtaǵany sııaqty, ınternet orta da zań talabyna baǵynýy kerek dep oılaımyz», - dedi vıtse-mınıstr.
Sondaı-aq, ol mınıstrliktiń bul máselede barlyq ıdeıalarǵa ashyq ekenin atady.
«Biz árbir usynysty muqııat zerdeleýge jáne bizdiń salamyzdy damytýǵa kómektesetin ıdeıalardy zańnamaǵa engizý múmkindikterin pysyqtaýǵa daıynbyz. Shamalap alsaq, jyl aıaǵyna deıin usynystardy jınap kelesi jyly qoǵam talqylaýyna shyǵaryp, keıin Parlament qaraýyna shyǵaramyz. Bul shamamen 2023 jyly bolýy múmkin», - dedi Kemelbek Oıshybaev.