Aqparat mınıstrligi BAQ qyzmetkerlerine dekrettik járdemaqy tóleýge qatysty túsinikteme berdi

NUR-SULTAN. QazAqparat - Aqparat jáne qoǵamdyq damý mınıstrligi pandemııa kezinde BAQ úshin salyqsyz rejım aıaqtalǵannan keıin BAQ qyzmetkerlerine dekrettik járdemaqy tóleý máselesi jóninde túsinikteme berdi, dep habarlaıdy QazAqparat.

Vedomstvonyń málimdeýinshe, jaqynda jýrnalıster qaýymdastyǵynyń jekelegen ókilderi pandemııa kezinde BAQ úshin salyqsyz rejım aıaqtalǵannan keıin BAQ qyzmetkerlerine dekrettik járdemaqy tóleý máselesin kótergen.

«Qazirgi ýaqytta Eńbek jáne halyqty áleýmettik qorǵaý mınıstrligi Aqparat jáne qoǵamdyq damý mınıstrligimen birlesip Zańnamaǵa tıisti túzetýler ázirlep jatqanyn jáne aǵymdaǵy jyldyń qyrkúıek aıynda olardy QR Parlamenti Májilisine engizý josparlanyp otyrǵanyn habarlaımyz.

Osylaısha, dekrettik járdemaqylardy tóleý máselesin aǵymdaǵy jyldyń sońyna deıin sheshý kózdelip otyr», delingen habarlamada.

Bul másele Aqparat jáne qoǵamdyq damý mınıstriniń jeke baqylaýynda.