Aqparat mınıstri: Jastar máselesi - bul tutas memleket kelesheginiń máselesi

NUR-SULTAN. QazAqparat – NEET sanatyndaǵy jastardy qoldaýdy iske asyramyz. Bul týraly QR Aqparat jáne qoǵamdyq damý mınıstri Aıda Balaeva málim etti, dep habarlaıdy QazAqparat tilshisi.

«Jalpy, jastar máselesi - bul tutas memlekettiń kelesheginiń máselesi. Oǵan kelgende biz, birinshiden, ár óńirdiń ereksheligin eskerýimiz kerek. Osyǵan oraı, qazir mınıstrlik barlyq óńirlerde jastar máselesi boıynsha qoǵamdyq tyńdaýlar ótkizip, sol jerdiń áleýmettik-ekonomıkalyq, mádenı-rýhanı yńǵaıyna qaraı nátıjeli usynystar men sheshimder qalyptastyratyn bolamyz», - dedi A. Balaeva mınıstrliktiń keńeıtilgen alqa májilisinde.

Onyń aıtýynsha, ár óńir boıynsha tıisti Іs-sharalar josparyn jasap, onyń ishinde NEET sanatyndaǵy jastardy qoldaý iske asyrylatyn bolady.

Budan buryn habarlanǵandaı, mınıstr aldaǵy ýaqytta qaıyrymdylyq jáne volonterlik jónindegi zań jobalaryn jetildirý josparda bar ekenin aıtty.

«Ózderińiz kýá boldyńyzdar, Prezıdent bastamasymen jarııalanǵan «Volonterler jyly» – eriktiler qozǵalysynyń damýyna tyń serpin bergen jasampaz joba boldy. Sondyqtan da, el Prezıdenti Úkimetke bul jumysty turaqty túrde jalǵastyrýdy tapsyrdy. Qazir arnaıy Jol kartasy jasaqtalyp, iske asýǵa daıyn. Munyń ózi - «Volonterlik» uǵymnyń aýqymy keń jáne ol bir jylmen nemese bir joba aıasynda ǵana shektelmeıtindigin kórsetedi», - dedi mınıstr.