Aqparat mınıstri Qazaqstannyń «100 jańa esimin» tańdaýǵa shaqyrdy

ASTANA. QazAqparat - El.kz portalynda «100 jańa esim» arnaıy jobasyna ótinimderdi qabyldaý bastaldy. Bul týraly búgin halyqpen eseptik kezdesý ótkizgen QR Aqparat jáne kommýnıkatsııalar mınıstri Dáýren Abaev málim etti, dep habarlaıdy QazAqparat. 

«Búgingi kúni mınıstrlik qoǵamdyq  sanany jańǵyrtý jónindegi «Rýhanı  jańǵyrý» baǵdarlamasynyń aıasyndaǵy jobalardy júzege  asyrýǵa  aıryqsha kúsh sala kiristi. Sonyń ishinde óziniń  talantymen jáne qajyrly eńbegimen  jetistikke jetken tabysty azamatty anyqtaıtyn «100 jańa esim» arnaıy  jobasy júzege  asyrylýda. Kandıtattardy irikteý aıasyndaǵy jumysty biz sarapshylarmen,  túrli salada elimizdiń damýyna eńbek sińirgen qaıratkerlermen júzege asyrýdy josparlaýdamyz», - dedi mınıstr.

Onyń aıtýynsha, osydan biraz ýaqyt buryn El.kz portalynda ótinimderdi qabyldaý bastaldy.

«Osy múmkindikti paıdalanyp, barshańyzdy jobaǵa qatysýǵa, aıryqsha  jetistikterimen, biregeı qasıetterimen tánti etken adamdardy tańdaýǵa úles qosýǵa shaqyramyn», - dedi Dáýren Abaev.