Aqparat máselesine qatysty zań jobasy boıynsha taraptardyń ustanymy bir jerden shyqty

ASTANA. QazAqparat - Búgin elordada QR Aqparat jáne kommýnıkatsııalar mınıstri Dáýren Abaevtyń tóraǵalyǵymen «Qazaqstan Respýblıkasynyń keıbir zańnamalyq aktilerine aqparat jáne kommýnıkatsııalar máseleleri boıynsha ózgerister men tolyqtyrýlar engizý týraly» QR zańynyń jobasy talqylandy, dep habarlaıdy QazAqparat.

«Zań jobasyn ázirleýge aqparat salasynyń mamandary, úkimettik emes uıymdardyń jáne qoǵam ókilderiniń jan-jaqty atsalysýyna múmkinshilik berdik. Sonymen joba ázirlengennen keıin kóptegen talqylaýlar men qyzý pikirtalas boldy. Búgingi tańda kópshiliktiń usynystary eskerilgennen keıin qoǵam engizgen baǵyttar boıynsha ustanymyz bir arnaǵa toǵysty dep aıtýǵa bolady. Bul eń aldymen qoǵamdyq birlestikter men aqparat quraldary ókilderiniń ashyq dıalogynyń arqasy dep bilemin», - dedi zań jobasyn talqylaýǵa arnalǵan jıyn barysynda mınıstr.

 

Onyń atap ótýinshe, zań jobasy kópshiliktiń talqylaýyna shyǵarylǵannan bastap 50-den astam usynys túsip, sonyń 70 paıyzy engizilgen.

«Búgingi kúni joba Úkimette qarastyrylyp jatyr. Jobada 250-ge jýyq túzetýler qamtylǵan. Osy arqyly 4 kodekske pen 1 zańǵa ózgerister men tolyqtyrýlar engizý qarastyrylyp otyr», - dedi Abaev.