Aqpanda ulttyq qordyń qarajaty 57 mlrd dollarǵa azaıdy

ASTANA. QazAqparat – Ulttyq bank tóraǵasy Ǵalymjan Pirmatovtyń málimeti boıynsha, aqpan aıynda eldiń halyqaralyq rezervi 91,9 mlrd dollar bolǵan, dep habarlaıdy QazAqparat tilshisi.

«Jalpy halyqaralyq rezerv aqpan aıynyń sońynda 91,9 mlrd dollardy qurady. Aqpan aıynyń qorytyndysy boıynsha, altyn-valıýta rezervteri altyn baǵasynyń arzandaýyna baılanysty 34,6 mlrd dollarǵa deıin ( - 2,2 mlrd dollar) azaıdy», - dedi ol.

Onyń aıtýynsha, aqpan aıynda Ulttyq qordyń aktıvteri negizgi álemdik ındeksterdiń tómendeýine baılanysty 57,4 mlrd dollarǵa deıin nemese 0,5% azaıǵan.

«Respýblıkalyq bıýdjetke 273 mlrd teńgege transfert bólý úshin aqpanda Ulttyq qordyń valıýtalyq aktıvinen 590 mln dollar satyldy», - dedi Ulttyq bank basshysy.