Aqpanda turǵyn úı satyp alý-satý kórsetkishi birshama azaıǵan
«2023 jylǵy aqpan aıynda turǵyn úıdi satyp alý-satý boıynsha 24 118 mámile tirkelgen, onyń ishinde jeke úılerge qatysty 6 174, kóppáterli úılerdegi páterler boıynsha – 17 944 mámile bar. Bul qańtarymen salystyrǵanda (24 294) 0,7%-ǵa az. Mámileler sany Almaty (4 231– 17,5%) men Astana (4 208– 17,4%) qalalarynda kóp, eń azy Ulytaý oblysynda (265)», - dep jazdy vedomstvodan.
Ondaǵy derekterge qaraǵanda, 2023 jyldyń qańtarymen salystyrǵanda kóppáterli úılerdegi turǵyn úı mámileleriniń sany 2,6%-ǵa (471 mámilege) kemigen. Bólmeler sany boıynsha 1 bólmeli 6 935 páter resimdeldi. Alyp-satýdyń negizgi úlesi Almaty jáne Astana qalalaryna (55%) tıesili.
2023 jyldyń qańtar aıymen salystyrǵanda jeke turǵyn úıler boıynsha mámileler sany, kerisinshe, 5%-ǵa (295 mámilege) ósip, 6 174-ti qurady. Sandyq mánde eń úlken ósim Túrkistan oblysynda (+88 mámile), eń úlken tómendeý Qaraǵandy oblysynda (-42 mámile) baıqaldy.
2023 jyldyń aqpanynda turǵyn úıdi satyp alý-satý mámileleri aldyńǵy jyldyń tıisti aıymen salystyrǵanda shamamen 2 ese (48,2%-ǵa) azaıǵan, ol kezde 46 577 mámile resimdelgen bolatyn.