Aqpanda Elektrondyq eńbek bırjasyndaǵy túıindemeler sany 22%-ǵa azaıdy
Eger aǵymdaǵy jyldyń qańtarynda izdenýshiler ornalastyrǵan túıindemelerdiń sany bos oryndar sanynan 1,9 myńǵa asyp ketse, aqpan aıynda bos oryndar men jumys izdep júrgen adamdar arasyndaǵy alshaqtyq bos oryndar paıdasyna 17,7 myńdy qurady. Ótken aımen salystyrǵanda EEB-daǵy bos oryndar sany 4 myńǵa ósti, al túıindeme 15,6 myńǵa azaıdy.
Aqpan aıynda óńirlik taldaý tek bes óńirde EEB-te bos oryndar sanynyń tómendegenin kórsetedi – Shymkent qalasynda (-37% nemese 1,3 myń bos jumys orynǵa), Jambyl oblysynda (-14% nemese 400 bos jumys orynǵa), Nur-Sultan q. (-13,7% nemese 1,3 myń bos jumys orny), Qyzylorda (-12,3% nemese 200 bos jumys orynǵa) jáne Aqtóbe (-6,5% nemese 180 bos jumys orynǵa) oblystarynda. Suranystyń eń joǵary ósimi Mańǵystaý (+56,4% nemese 1 myń bos jumys orny), Pavlodar (+36% nemese 1,3 myń bos jumys orny) oblystarynda, Almaty qalasynda (+32,4% nemese 1,8 myń bos jumys orny) jáne Aqmola oblysynda (+23,4% nemese 500 bos jumys orny) baıqaldy.
Іzdenýshiler tarapynan belsendiliktiń eń kóp tómendeýi Almaty qalasynda (-3,3 myń nemese -49,4%), Qyzylorda oblysynda (-3,3 myń nemese -47%), Jambyl oblysynda (-2,4 myń nemese -42%) jáne Shymkent qalasynda (-2 myń nemese -42%) seziildi.
«Bul rette biliktiligi jok eńbek resýrstaryna suranys qatty ózgeristerge ushyraǵan joq, al usynys ótken aımen salystyrǵanda 33%-ǵa qysqardy. Bilikti kadrlarǵa suranystyń eń kóp ósýi avtomobılder men avtobýstardyń júrgizýshilerine, býyp-túıýshilerge, tehnologııalyq qondyrǵylardy jóndeý jónindegi slesarlarǵa jáne tehnologııalyq jabdyqtardy montajdaýshylarǵa baıqaldy. Al ótken aımen salystyrǵanda bos jumys oryndary shet tili muǵalimderi, tas qalaýshylar, call-ortalyq operatorlary jáne qurylystaǵy elektrshiler úshin az ornalastyryldy», – dedi ERDO basqarýshy dırektory Aleksandra Molchanovskaıa.
Aldyńǵy kezeńderdegideı, EEB - de bilikti qyzmetkerler arasynda kúzetshilerdiń (1452 bos orynǵa qarsy 703 túıindeme), medbıkeler/meıirgerlerdiń (811 túıindeme jáne 1554 bos oryn), tárbıeshilerdiń (705 túıindeme jáne 1441 bos oryn) tapshylyǵy baıqaldy. Sonymen qatar zańgerler, áleýmettik qyzmetkerler, dene shynyqtyrý muǵalimderi arasynda artyqtyq kórindi.
«Tapshy kadrlar boıynsha óńirlik teńgerimsizdikti de atap ótýge bolady. Máselen, kúzetshilerdiń eń kóp jetispeýshiligi Almaty jáne Nur-Sultan qalalarynda sezildi, al Mańǵystaý oblysynda kerisinshe kóp. Óńirler boıynsha bólýdiń uqsas jaǵdaıy orta medıtsınalyq personal, sondaı-aq tárbıeshiler úshin de qalyptasýda. Alaıda Túrkistan oblysy men Shymkentte medbıkeler/meıirgerlerdiń sany artyp, barlyq derlik oblystarda medbıkeler tapshylyǵy baıqalady», – dedi Aleksandra Molchanovskaıa.
Aqpan aıynda jumys berýshiler basshylyq laýazymdar úshin eń joǵary jalaqy usyndy, osy kásibı top boıynsha aıyna 540 myń teńgeden bastalatyn usynyspen jumys tabýǵa bolady. Sondaı-aq, aqpan aıynda joǵary aqy tólenetin mamandyqtarǵa suranys boıynsha jattyqtyrýshylardy (trenıngtermen, qaıta daıarlaýmen jáne biliktiligin arttyrýmen aınalysatyn) jatqyzýǵa bolady – olarǵa aıyna orta eseppen 525 myń teńge, marksheıderlerge – 513 myń teńge, korporatıvtik mamandarǵa – 474 myń teńge, óndiristi daıyndaý ınjenerlerine – 419 myń teńge usynyldy.
Burynǵydaı, eń úlken suranysty shaǵyn, orta jáne iri kásiporyndar qurady – barlyq suranystyń 85%. Al genderlik bólinistegi eńbek usynysy is júzinde teń: áıelder túıindemesiniń úlesi EEB jalpy usynysynyń 51% - yn qurady.
Osylaısha, bir aıdan keıin jumys berýshiler arasynda ekonomıkalyq belsendiliktiń jandanýy baıqalady. Bul rette naryqta kásipter bólinisinde bos oryndar men túıindemeler boıynsha suranys pen usynys aıtarlyqtaı ózgermeıdi – burynǵysynsha trendte orta medıtsınalyq personal men mektepke deıingi mekemelerdiń qyzmetkerleri.