Aqpanda benzın taǵy arzandaýy múmkin - Shkolnık

ASTANA. QazAqparat - Energetıka mınıstri Vladımır Shkolnık aqpan aıynda elimizdegi benzın baǵasy nyń taǵy da arzandaýyn joqqa shyǵarmaıdy. Bundaı pikirin vedomstvo basshysy Májilistegi Úkimet saǵatynan keıin jýrnalısterge bergen suhbatynda málimdedi.

Toqtala ketetin jaıt, baǵa shegin belgileıtin mınıstrlik byltyrǵy jyldyń jeltoqsan aıynda AI-92 markaly benzınge baǵany tómendetken. «Osyǵan oraı, qazir eń kóp suranysqa ıe benzınniń baǵasy 109 teńgeden satylyp jatyr, birqatar oblystarda budan da tómen. Jalpy, biz baǵa belgilegende odan asyrýǵa bolmaıtyn shekti belgileımiz, al tómendetýge bola beredi, memleket árbir janarmaı beketterine baǵa belgilep bere almaıdy ǵoı. Tek baǵanyń joǵarylap ketpeıtin shegin belgileıdi. Aqpan aıynda benzın baǵasy arzandaıdy dep úmittenemin. Qazirshe 4 oblysta baǵanyń tómendeýi baıqalady. ıAǵnı, benzınge shekti baǵany tómendetý qarastyrylyp jatyr», - dedi Energetıka mınıstri.

Sonymen qosa, vedomstvo basshysy arzan reseılik benzınniń naryqty jaýlap alý yqtımaldyǵynan qaýiptenetinin de alǵa tartty. «Bul máseleniń jol berýge bolmaıtyn tustary da bar. Ekinshi jaǵynan naryqqa basqa jetkizýshilerdi kirgizbeıtin bolsaq, onda janarmaı tapshylyǵy da bolýy múmkin. Biz 30 paıyz benzındi Reseıden tasımyz. Reseıde baǵany «qolmen basqarý» júrip jatyr. Biz osyny qadaǵalap, biryńǵaı kvota belgileý, biryńǵaı energetıkalyq teńgerimdilik boıynsha kelisimge kelip otyrýǵa tıispiz», - dedi V. Shkolnık.