Aqpan aıynda qazaqstandyqtar 715 mlrd teńgeniń tutyný kredıtin alǵan

ASTANA. QazAqparat – Aqpan aıynda qazaqstandyqtar 715 mlrd teńgeniń tutyný kredıtin, 93 mlrd teńgeniń ıpotekasyn alǵan. Bul týraly Qarjy naryǵyn retteý jáne damytý agenttigi qarjy sektorynyń aqpan aıyndaǵy jaı-kúıine jasaǵan shoýlynda aıtylǵan, dep habarlaıdy QazAqparat tilshisi.

«2023 jylǵy aqpanda jeke tulǵalarǵa berilgen kredıtter 1%, ıaǵnı, 14 402 mlrd teńgege deıin ósti (2023 jyldyń basynan beri 1,7% ósken). Bul rette ıpotekalyq qaryzdar 1,1%, ıaǵnı, 4 803 mlrd teńgege deıin ósti. Tutynýshylyq kredıtter 0,6% nemese 7 791 mlrd teńgege deıin ulǵaıdy», - dep jazylǵan sholýda.

Agenttik málimeti boıynsha, aqpanda jeke tulǵalarǵa 880 mlrd teńgeniń jańa nesıeleri berilgen. Bul 2022 jylǵy qańtarmen salystyrǵanda 5,1% kóp.

Tutynýshylyq maqsattarǵa 715 mlrd teńge berilgen, bul 2023 jylǵy qańtarmen salystyrǵanda 3,7% kóp. Ipotekalyq qaryzdar – 93 mlrd teńge, 2023 jylǵy qańtardan 12,2% kóp.

«2023 jylǵy aqpanda bankten tys zańdy tulǵalarǵa ulttyq valıýtamen berilgen kredıtter boıynsha ortasha alynǵan syıaqy mólsherlemesi 19,5% boldy», - delingen qujatta.