Aqordada Uly Jeńistiń 65 jyldyǵyna oraı Prezıdent janyndaǵy Memlekettik nagradalar jónindegi komıssııasynyń otyrysy ótti
dep habarlaıdy QazAqparat.
«Búgingi komıssııanyń otyrysy Uly Otan soǵysynyń ardagerlerine arnalyp otyr. Biz soǵys ardagerleriniń maıdandaǵy erlik isterin óskeleń urpaqty tárbıeleý isine paıdalanýymyz qajet. Ol sondaı-aq táýelsiz Qazaqstannyń azamattaryna Otanǵa minsiz qyzmet etýdiń jarqyn úlgisi bolýy tıis. Ókinishke oraı, ardagerlerimiz kúnnen kúnge azaıyp barady. Qazaqstannan soǵysqa attanǵan 1 mıllıon 200 myń adamnyń jartysynan kóbi qaıtyp elge oralmady. Olarǵa árıne tyl eńbekkerleri, balalar men qarııalarǵa deıin qol ushin sozdy. Sondyqtan bul barlyǵymyz úshin ortaq jeńis», dedi Memlekettik hatshy.
Sondaı-aq bıyl Uly Jeńiske 65 jyl tolyp otyrǵandyǵyn atap ótken Q.Saýdabaev, «Búgin biz Memleket basshysynyń tapsyrmasy boıynsha sizdermen birlesip, elimizdiń aımaqtaryndaǵy atqarýshy organdar men ortalyq memlekettik organdar usynyp otyrǵan azamattarǵa memlekettik nagradalardy tabys etý máselesin talqylaýymyz qajet. Biz ata-babalarmyzdyń jasaǵan erlikterin qashanda este ustaýymyz kerek. Sonda ǵana biz baqytty el bolamyz. Aldaǵy kele jatqan merekeniń elimizdiń barlyq aımaqtarynda keń aýqymda atalyp ótip jatqandyǵy beker emes. Bul bizdiń ardagerlerge degen qurmetimizdiń taǵy bir kórinisi», dedi Q.Saýdabaev.