Aqordada Rım Papasy Frantsıskti saltanatty túrde qarsy alý rásimi ótti

NUR-SULTAN. QazAqparat - «Aqorda» rezıdentsııasynda Rım Papasy Frantsıskti saltanatty túrde qarsy alý rásimi ótti, dep habarlaıdy QazAqparat BORT №1 Telegram kanalyna silteme jasap.

Qurmet qaraýylynyń bastyǵy elder kóshbasshylaryna raport berdi, sondaı-aq Qazaqstan men Vatıkannyń ánurandary shyrqaldy. Sodan keıin Prezıdent pen Rım Papasy kelissóz júrgizý úshin «Shyǵys» zalyna ótti.

Aıta keteıik, búgin Memleket basshysy Qasym-Jomart Toqaev Qazaqstanǵa memlekettik saparmen kelgen Rım Papasy Frantsıskti kútip aldy.

Osyǵan deıin 14 qyrkúıekte elordada Rım Papasy Frantsısktiń qatysýymen Qasıetti Messa ótetini habarlandy.

Rım Papasynyń messa rásimine qaı elderden dindarlar keletini de aıtyldy.

Foto: akorda.kz