Aqordada konfessııaaralyq jáne ultaralyq kelisim salasyndaǵy saıasatty jetildirýdiń ózekti máseleleri boıynsha keńes ótti
Keńeske Din ister jónindegi agenttik tóraǵasy Q. Lama-Shárip, Qazaqstan halqy Assambleıasy tóraǵasynyń orynbasary E.Toǵjanov, mádenıet basqarmalarynyń bastyqtary, din isteri boıynsha departamentter dırektorlary, Qazaqstan halqy Assambleıasynyń Aqtóbe, Atyraý, Batys Qazaqstan jáne Mańǵystaý oblystary hatshylyqtarynyń meńgerýshileri qatysty.
Keńes barysynda mádenıet basqarmalary bastyqtarynyń, din isteri departamentteri dırektorlarynyń atqarǵan jumystary týraly esepteri tyńdaldy, Qazaqstan halqy Assambleıalary hatshylyqtary meńgerýshileriniń esepteri qaraldy.
- Memleket basshysy Nursultan Nazarbaev «Áleýmettik-ekonomıkalyq jańǵyrtý - Qazaqstan damýynyń basty baǵyty» atty Qazaqstan halqyna Joldaýynda, áleýmettiń jańǵyrý - bul búkil memlekettik organdardyń, qoǵamdyq jáne mádenı birlestikterdiń, BAQ- jumystarynyń temirqazyq máselesi, dep atap kórsetken bolatyn. Biz osy ózekti mindetterdi barynsha tıimdi júzege asyrýǵa tıispiz, dep atap ótti B.Maılybaev.
Kezdesýde sondaı-aq osy saladaǵy jumystyń aǵymdaǵy jáne perspektıvadaǵy baǵyttary talqylandy.