Aqordada Qazaqstan-Qatar yntymaqtastyǵyn damytý joldary talqylanýda

ASTANA. QazAqparat – Aqordada Qazaqstan Prezıdenti Qasym-Jomart Toqaev pen Qatar Ámiri sheıh Támım ben Hamad Ál Tánı keńeıtilgen quramdaǵy kelissóz júrgizip jatyr, dep habarlaıdy QazAqparat tilshisi.

«Ózderińizben qonaqjaı qazaq jerinde júzdesip otyrǵanyma óte qýanyshtymyn. Biz sheıh Támımmen shaǵym quramdaǵy kezdesýimizde halyqaralyq kúntártibindegi kókeıtesti máseleler týraly pikir almastyq, oı bólistik. Jalpy bul otyrys nátıjeli ótti. Endi ózderińizben birge eki el arasyndaǵy yntymaqtastyqty damytýdyń joldaryn jan-jaqty talqylaıtyn bolamyz», - dedi kelissózdi ashqan Qazaqstan Prezıdenti.

Qasym-Jomart Toqaev sheıh Tamımnyń búgingi sapary osy baılanystardy odan ary órkendetýge tyń serpin beredi dep senetindigin basa aıtty.

«Biz Qatardy Taıaý Shyǵysta ǵana emes, álemdik deńgeıde mańyzdy ról atqaratyn memleket ári halyqaralyq qaýymdastyqtyń beldi múshesi dep sanaımyz. Qatar óńirdegi qoǵamdyq kelisim men beıbitshilikti, órkenıetter men dinder arasyndaǵy ózara túsinistikti nyǵaıtýǵa zor úles qosyp otyr. Biz sizderdiń turaqtylyq pen qaýipsizdikti qamtamasyz etý jolyndaǵy bastamalaryńyzdy joǵary baǵalaımyz», - dedi Memleket basshysy.

Foto : t.me/bort_01